Jai Saraswati Mata, maiyya jai Saraswati Mata, Sadgun vaibhav shaalini, tribhuvan vikhyaata. Jai Saraswati Mata

Chandravadani padmaasini, dyuti mangalkaari, Sohe shubh hans savaari, atul tejdhaari. Jai Saraswati Mata

Baayen kar mein veena, daayen kar mala, Sheesh mukut mani sohe, gal motiyan mala. Jai Saraswati Mata

Devi sharan jo aaye, unka uddhaar kiya, Paithi Manthara daasi, Ravan sanhaar kiya. Jai Saraswati Mata

Vidya gyaan pradaayini, gyaan prakaash bharo, Moh agyaan aur timir ka, jag se naash karo. Jai Saraswati Mata

Dhoop deep phal mewa, maa sweekaar karo, Gyaanchakshu de mata, jag nistaar karo. Jai Saraswati Mata

Maa Saraswati ki aarti, jo koi jan gaave, Hitkaari sukhkaari gyaan bhakti paave. Jai Saraswati Mata

Jai Saraswati Mata, jai jai Saraswati Mata, Sadgun vaibhav shaalini, tribhuvan vikhyaata. Jai Saraswati Mata