Om Jai Gange Mata, maiyya jai Gange Mata, Jo nar tumko dhyaata, manvaanchit phal paata. Om Jai Gange Mata

Chandra-si jyoti tumhaari, jal nirmal aata, Sharan pade jo teri, so nar tar jaata. Om Jai Gange Mata

Putra Sagar ke taare, sab jag ko gyaata, Kripa drishti ho tumhaari, tribhuvan sukh daata. Om Jai Gange Mata

Ek baar jo praani, sharan teri aata, Yam ki traas mitaakar, paramgati paata. Om Jai Gange Mata

Aarti maatu tumhaari, jo nar nit gaata, Sevak wahi sahaj mein, mukti ko paata. Om Jai Gange Mata