Chhinnamastika maa meri, vandan karo swikaar, Chinta har lo daas ki, de santosh dhan apaar.

Mangal karo sarvamangala, he maa kripaanidhaan, Deen, heen hoon sharan mein, karo sarv vidhi kalyaan.

Namo namo sukhkarni maata, Bhaagya sanvaaro bhaagyavidhaata. (1)

Jai jai jai maa Chintaapurni, Vighn vinaashak maa sukhkarni. (2)

Poojan aapka param phaldaayak, Ridhi sidhi va sukhdaayak. (3)

Manmandir mein karo basera, Har pal paaun maa darshan tera. (4)

Mamtaamayi aanchal odhaana, Rog santaap maa door bhagaana. (5)

Chausath yogini mangal gaave, Stutigaan kar sheesh nivaave. (6)

Tumhri mahima agam apaara, Sheesh nivaaye jagat hai saara. (7)

Ekaagrachit jo hoy samarpit, Sab sukh karti, maa ho arpit. (8)

Kar mein khappar, khande waali, Aap sa na koi, maa balshaali. (9)

Apni daya banaaye rakhna, Sevaabhaav jagaaye rakhna. (10)

Bhakti mein man-chit lagaaun, Mukti ki yukti yun paaun. (11)

Bhagatan pe ho daya ki saagar, Bhar dena maa gyaan ki gaagar. (12)

Avgun pe maa dhyaan na dharna, Asambhav ko bhi sambhav karna. (13)

Main yaachak tu sukh pradaayini, Kalyaan karo maa he kalyaani. (14)

Jagjanani maa paalankarni, Daya drishti sada hi karni. (15)

Haro amangal mangal kar do, Vardaanon ki maa varsha kar do. (16)

Santosh ka deejo mohe daan maa, Bal-buddhi main paaun gyaan maa. (17)

Divya aalaukik roop tihaara, Bhav saagar se taaranhaara. (18)

Saubhaagya, aarogya daan mein dena, Sukh-suvidha vardaan mein dena. (19)

Daanav dalini, bhaymochani, He dukhbhanjan, pindi roopini. (20)

Aapke haath mere laabh va haani, Kalyaan karo maa he kalyaani. (21)

Haath jod kar karoon main vandan, Jeevan mein ho maa kabhi na krandan. (22)

Vinti pe sada dhyaan maa dharna, Kaaraj sakal sampoorn karna. (23)

Aap ki kripa jo hai paata, Nirbal se vah sabal ho jaata. (24)

Pindi roopini, bhay naashini, Haro maa chinta, parvat vaasini. (25)

Sumiran kare bhaav se joi, Janam maran se chhoote soi. (26)

Aap to naana roop dhaarini, Daitya dalini maa bhay sanhaarini. (27)

Bhagatan pe maa jab harshaati, Yash, kirti maa phailaati. (28)

Jab ho vipad ne mujhko ghera, Chintaamukt karo man mera. (29)

Nirmal man jo kare pranaam, Sukh-suvidha ka deti ho daan. (30)

Maai daas maa sharan mein aaya, Maan-sammaan va vaibhav paaya. (31)

Shraddha sahit jo naam dhyaavai, Paap santaap nikat nahin aavai. (32)

Yaad karoon, tab hi maa aana, Sankat mochan, maa ban jaana. (33)

Vinti pe meri dhyaan maa dharna, Har vidhi kaaj sampoorn karna. (34)

Sarv sukhon ki aap to daata, Dusht aap se bhay ko paata. (35)

Duvidha mein suvidha ban jaati, Aapki daya hai sukh pradaati. (36)

Shraddha sahit jo poojan karte, Dukh daridra tan se jharte. (37)

Asambhav ko maa sambhav karti, Vardaanon se maa jholi bharti. (38)

Padhai chalisa jo chit laay, Param saubhaagya, navnidhi paay. (39)

Buri aatma nahin hai sataati, "Shaunki" kavach hai maa ban jaati. (40)

Pindi roopini maa meri, sarvakala sampann, Sharanaagat hoon dwaar pe, hona maa prasann.