Koti koti naman mere maataa pitaa ko, Jisne diyaa shareer, Balihaari jaaun guru dev ne, diyaa Hari bhajan men sir. (1)

Chandra dipai sooraj dipai, udgan dipai aakaash, In sab se badhkar dipai, maataaon kaa suprakaash.

Meraa apnaa kuchh nahin, jo kuchh hai so toy, Teraa tujhko saumpate, kyaa lagtaa hai moy.

Jai jai Shri Brahmaani, satya punj aadhaar, Charan kamal dhari dhyaan men, pranbahun baarambaar.

Jai jai jag maat Brahmaani, Bhakti mukti vishva kalyaani. (1)

Veenaa pustak kar men sohe, Maat Saaradaa sab jag sohe. (2)

Hans vaahini jai jag maataa, Bhakt janan ki ho sukh daataa. (3)

Brahmaani Brahmalok se aai, Maat lok ki karo sahaai. (4)

Ksheer sindhu men prakati jab hi, Devon ne jai boli tab hi. (5)

Chaturdash ratnon men maani, Adbhut maayaa Ved bakhaani. (6)

Chaar Ved shat shaastra ki gaathaa, Shiv Brahmaa koi paar na paataa. (7)

Aad ant avataar Bhavaani, Paar karo maan maahe jan jaani. (8)

Jab-jab paap badhe ati bhaare, Maataa shastra kar men dhaare. (9)

Agh vinaashini too Jagadambaa, Dharma hetu naa kari vilambaa. (10)

Namo namo Chandi mahaaraani, Brahmaa Vishnu Shiv tohe maani. (11)

Teri leelaa ajab niraali, Syaah karo maan pallu vaali. (12)

Chint purni chintaa harni, Amangal men mangal karni. (13)

Anna purni ho anna ki daataa, Sab jag paalan karti maataa. (14)

Sarva vyaapini ashakhyaa roopaa, To kripaa se tarataa bhav koopaa. (15)

Yog nindaa yog maayaa, Deen jaan, maan kariyo dayaa. (16)

Pavan putra ki kari sahaai, Lanka jaar anal shit laai. (17)

Kop kiyaa dash kandh pe bhaari, Kutumb sahaaraa senaa bhaari. (18)

Tuhi maat vidhi Hari Har devaa, Sur nar muni sab karte sevaa. (19)

Dev daanav kaa huvaa samvaadaa, Maare paapi meti baadhaa. (20)

Shri Naaraayan ang samaai, Mohini roop dharaa too maai. (21)

Dev daityon ki pankti banaai, Sudhaa devon ko deenaa maai. (22)

Chaturaai kar ke mahaa maai, Asuron ko toon diyaa mitaai. (23)

Naukhand maanhi nejaa pharke, Bhay maanat hai dushti dar ke. (24)

Terah so painsath ki saalaa, Aasu maansaa pakh ujyaalaa. (25)

Ravi sut baar ashtami jvaalaa, Hans aaroodh kar lekar bhaalaa. (26)

Nagar kot se kiyaa payaanaa, Pallu kot bhayaa asthaanaa. (27)

Chaunsath yogin baavan beeraa, Sang men le aai ranadheeraa. (28)

Baith bhavan men nyaav chukaani, Dwaar paal saadul agvaani. (29)

Saanjh savere baje nagaaraa, Sees navaate shishya pyaaraa. (30)

Madh ke beech baithi matvaali, Sundar chhavi honthon ki laali. (31)

Utri madh baithi Mahaakaali, Paas khadi saathi ke vaali. (32)

Laal dhvajaa teri seekhar pharke, Man harshaataa darshan karke. (33)

Chet aasu men bharataa melaa, Door door se aate chelaa. (34)

Koi sang men koi akelaa, Jaikaaro kaa detaa helaa. (35)

Kanchan kalash shobhaa de bhaari, Paas pataakaa chamke pyaari. (36)

Bhaagya saali paate darshan, Sees jhukaa kar hote prasan. (37)

Teen lok ki kartaa bhartaa, Naam liyaa syoo kaaraj sartaa. (38)

Mujh baalak pe kripaa ki jyo, Bhul chook sab maafi deejyo. (39)

Mand mati daas charan kaa cheharaa, Tujh bin kaun hare dukh meraa. (40)

Aathon pahar tan aalas rahe, main kutil buddhi agyaan, Bhav se paar karo Maateshwari, bholaa baalak jaan.